Эвдэрхийгээс салах урт зам
Энэ улс эвдэрхийгээр л дүүрчээ. Үүнээс салах
богино зам байхгүй. Харин урт зам бий.
Яагаад ч эвгүйрч эвдэрч болмооргүй зөвхөн
хөдөлмөрийн хүний төлөө гэсэн үзэл санаа, хөдөлгөөн, үйл хэргээр үйлс нь дүүрэн
байх ёстой ҮЭ хүртэл энэ улсад шинэ, хуучингүй эвдэрч, бүгд л эвдэрхийгээр
дүүрсэн байх. Бүр хурдан хурдлан дүүрч байх. Энэ мөн их харамсмаар зүйл. Тун их
гундмаар үйл л дээ.
Эдний энэ эвдэрхий байдлаас болж эцэст нь
хөдөлмөрийн хүний ганц зардаг бүтээгдэхүүн, үйлчилгээ болох ажлын нэг цагийн
хөдөлмөр энэ улсад цэнэгүй болж хөдөлмөрийн хүн ажиллаж ядуурч, ядуурч ажиллаад
байдаг болчихсон юм. Ганц багш биш. Яахав, багш энэ улсын ганц зохион
байгуулалтай пролетари нь болохынхоо хувьд ганц хоёр "гав" гэх
дуугарсан нь бий.
Бусад нь "гав" гэж ганц дуугарах ч тэнхээгүй болтлоо доройтсон байх.
МҮЭ,бас багшийн тэмцлийн явцад үнэн бий
болсон багшийн ҮЭ ч мөн адил, том эрх ашгаар жижигхэн ходоод дүүргэж, нам,
засгийн хүүхэлдэй болж хувирсан нь энэ улсын ҮЭ -ийн үнэн төрх, үнэн замнал, бодит
дүр зураг, бодит байдал юм. Энэ нь, товчхондоо, ядуурал, доройтол, хүмүүжилгүй,
ёс суртахуунгүй байдлын гай юм. Эвдэрхийн гор мөн.
Доор нөгөө муу МҮЭ төрхийг харуулсан нэгэн
баримт байна. Тээр өдөр багшийн ҮЭ болох МБҮЭХ-г авч яваа
"босс"-уудын төрх үүнээс их долоон дороор гудманд харагдсан. Авирлаж
харагдсан. Тийм хүмүүсээр өөрсдийн санаачилж байгуулсан МБҮЭ-г удирдуулж,
тэдэнд түүнийг буруугаар ашиглуулж байна гэхээр бас л үнэн гутмаар байх. Гунимаар байх юм.
Яамаар ч юм дээ!. Ер нь ерөнхий боловсролыг л
жинхэнэ утгаар нь сайжруулах ёстой юм.
Тэнд тэр мэдлэг нэг хэрэг. Харин хүмүүжил,
төлөвшил хамгийн чухал нь юм.
Монголоор дүүрэн эвдэрхий бий боллоо. Сүргийн
чанар маш муудлаа. Одоо,тэгээд,
яахав?
Одоо,тэгвэл, сургуулийн боловсролыг л өөд татах хэрэгтэй.
Энэ л ганц гарц юм.
Боловсролын бодлого, хууль, соёлыг олигархийн
савраас л салгах ёстой. Энэ л ганц
зам мөн.
Тэгээд сургуулиар, түүгээр, энэ улс хүмүүжил,
төлөвшилтэй монгол иргэн бэлтгэх ажлаа хийж эхэлнэ. Харин мөнгө биш.
Энэ улс эвдэрхийгээр л дүүрчээ. Үүнээс салах
богино зам байхгүй. Харин урт зам бол бий.
Ц.Лувсандорж
2018 оны 9 дүгээр сарын 26-ны өдөр
Comments
Post a Comment